Animación do posible parque eólico na Serra do Galiñeiro

Actividades

Volver a actividades futuras
19.09.2021
DATA: 19 de setembro HORA: 10:00 LUGAR:Mosteiro de Aciveiro (Forcarei) Nivel de dificultade: medio Percorrido en bici de montaña pola Serra do Candán con saída e chegada no Mosteiro de Aciveiro. O mosteiro sitúase na parroquia de Santa María de Aciveiro, concello de Forcarei, na comarca de Tabeirós - Terra de Montes, no montañoso interior da provincia de Pontevedra. Está situado a carón do antigo camiño de Vendas de Narón a Folgoso a unha altitude de case mil metros, preto do antigo camiño que uniría Lucus Augusti coa costa pontevedresa atravesando a soidade da Serra do Candán na época romana. A ruta será pola mañan e terá unha duración de máis ou menos 3 horas. Desde o mosteiro, dirixirémonos ata a Ponte medieval de Andón, para desde alí adentrarnos na Serra do Candán, subindo ao seu cumio e voltando ata o mosteiro.
04.09.2021
DATAS: 4-5 de setembro LUGAR: Muiños (Ourense) SAÍDA DE VIGO: 4 de setembro ás 10:00 h da mañán CHEGADA A VIGO: 5 de setembro en torno ás 20:00 h Trátase dunha saída de fin de semana, que se realizará de maneira conxunta coa sección de bicis do Club Peña Trevinca, na que nos aloxáremos no albergue AVIVA. A actividade terá saída de bici o sábado pola tarde e o domingo pola mañan. **OBRIGATOIRO SEGURO DE BICI PREZOS ALOXAMENTO: 12€/día XANTAR OU CEA: 12€/día ALMORZO: 3,50€/día **Compre reservar e pagar as comidas e o aloxamento ao inscribirse.
17.07.2021
DATA: 17 de xullo LUGAR: O Grove (camping Moreiras) HORA: 17:30 h NIVEL DE DIFICULTADE: fácil Actividade de bici de montaña que coincide co campamento social que vai celebrar Montañeiros Celtas no Grove. Sairemos a darlle á volta á península do Grove, con saída e chegada no camping de Moreiras.  O percorrido ten unha duración estimada de 2-3 horas.
13.06.2021
DATA: 13 de xuño LUGAR: O Rosal. Parque das Pías (a carón da ponte do río Tamuxe) HORA: 9:30 h DIFICULTADE: Media DURACIÓN APROXIMADA: 4 horas Realizaremos un percorrido circular con inicio e final na ponte do río Tamuxe. O primeiro tramo será pola beira do río Tamuxe, para logo dirixirnos aos montes de Torroso a Cruz da Portela e os muiños do Folón e do Picón, por onde iniciaremos o retorno ao punto de partida.
22.05.2021
DIA: 23/05/2021 HORA: 9.30 LUGAR: Caldas de Reis. Carballeira de Caldas de Reis DURACIÓN ESTIMADA: 3-4 horas NIVEL DE DIFICULTADE: medio PREZO: Socio con licenza e seguro de bici: 0€ Socio con licenza e sen seguro de bici: 3€ Desta vez realizaremos un percorrido polos montes de Caldas de Reis e Moraña, comezando nesta fermosa carballeira situada case no centro da vila, desde a que remontaremos o curso do río Umia, para cruzarmos a outra beira do río por onde subiremos ao monte de San Martiño. Desde alí baixaremos ao encoro do Umia, para dirixirnos a Moraña e desde alí aos Muiños do río Barosa, para voltar polo camiño de Santiago a Caldas de Reis.
25.04.2021
DIA: 25 de abril HORA: 9:30 H LUGAR: Porto de Aldán (Hío) NIVEL DE DIFICULTADE: intermedio Retomamos pouco a pouco as actividades de bici de montaña. A actividade será para un máximo de 16 persoas repartidas en dous grupos de 8 (seguindo a normativa da Xunta). O percorrido de bici de montaña será polos montes de Cangas (Serra da Madalena, O Hío, Costa da Vela, Donón, Cabo Home,...).  O percorrido será circular con saída e chegada en Aldán e a duración estimada é de entre 3 e 4 horas. Actividade reservada a socias e socios con Licenza/ seguro de bici.
17.01.2021
DATA: domingo 17/01/2021 HORA: 10:00 LUGAR: Campo de fútbol do Vao Nivel de dificultade: moderado Duración: +/- 4 horas Comezamos o ano de bici de montaña! Debido ao peche por concellos, cambiamos a ruta e quedamos nos montes de Vigo. Esta vez tóca a zona de San Miguel de Oia. O percorrido é circular e ten unha duración estimada de 4 horas. RESERVADO A SOCIOS CON LICENZA DE MONTAÑA/SEGURO DE BICI
20.12.2020
DATA: 20 de decembro LUGAR: Lagoa de Castiñeiras Hora: 10:00 Para rematar o ano imos realizar unha saída de bici de montaña polo entorno da lagoa de Castiñeiras. Tomando como punto de inicio e fin a lagoa de Castiñeiras, realizaremos un percorido polos montes da zona, facendo unha ascención ao monte Xaxán e pasando por Chan da Arquiña, para logo voltarmos ao punto de inicio. A actividade terá unha duración de 3 horas, aproximadamente. Límite de participantes 15. Actividade reservada a socios con licenza e seguro de bici
06.12.2020
DATA: domingo 6 decembro  HORA: 9:30 LUGAR: A Ramallosa (no parque  ao lado da ponte) Duracion: 4 horas Ruta de bici de montaña pola serra da groba, con saida e chegada na ramallosa e subida a serra da groba onde poderemos disfrutar dunhas fermosas vistas e ver petroglifos, cabalos...  Actividade reservada a federadxs con seguro de bici.
08.11.2020
DATA: 8 novembro HORA: 10:00 LUGAR: Centro cultural de Bembrive NIVEL DE DIFICULTADE: medio Realizaremos un percorrido polos montes de Bembrive e Zamáns. O percorrido se desonvelvará integramente na xornada matinal (+/- 3 h). Esta actividade é SÓ para socios con licenza de montaña + seguro bici.
1 2 3 4 5 6 7 8 9 10



Camelias 78, Oficina K 36211     VIGO - Pontevedra
T: 986 438 505 info@celtas.net