Animación do posible parque eólico na Serra do Galiñeiro

Actividades

Volver a actividades futuras
14.07.2019
DATA: 14 de Xullo LUGAR: Xabriña (Paraños – Covelo) SAÍDA: 8h30 no Club REGRESO: 20H30 ao Club DIFICULTADE: Dificultade media- 15Km aproximadamente DESCRIPCIÓN: A ruta comezará na Lamosa e rematamos en Paraños. Xabriña… bonito nome, precioso río. Camiñaremos por levadas e pontellas de muíño en muíño. A destacar a arquitectura e enxeñería populares, e a frondosa e variada vexetación do bosque de ribeira. Ao remate observaremos un muíño en funcionamiento e visitaremos o lagar de cera,a eira e o museo. Esta actividade a coordinará Carmen. PREZOS: SOCIOS: 12€ (10€ reserva e pago anticipado ata o 5 de xullo) NON SOCIOS: 14€ (12€ reserva e pago anticipado ata o 5 de xullo) Animádevos!
30.06.2019
DATA: 30 de Xuño LUGAR: Ribeira Sacra SAÍDA: 08H00 dende o Club CHEGADA: 21H ao Club PRAZAS AGOTADAS!!! PREZOS: SOCIOS:18€ (16€ inscrición e pagado antes do 24 de xuño) NON SOCIOS: 21€ (19€ inscrición e pagado antes do 24 de xuño) Nesta segunda etapa comezaremos a ruta na Igrexa de San Estevo de Atán bordeando o Miño cara o norte por corredoiras e carreiros ata San Martiño da Cova. Comezando a volta visitaremos o ecomuseo e o castro de Arxeriz con espectáculares vistas sobre o cabo do mundo. Animádevos!
12.05.2019
DATA: 12 de Maio LUGAR: Ribeira Sacra SAÍDA: 08H00 CHEGADA: 20H PREZOS: SOCIOS:16€ (14€ inscrición e pagado antes do 6 de maio) NON SOCIOS: 19€ (17€ inscrición e pagado antes do 6 de maio) Nesta primeira parte duns 15 Km. aproximadamente do PR-G 162 acompañaremos as augas do río Miño pola súa beira esquerda, a través da marabillosa esencia da ribeira sacra. Son terras escarpadas, traballadas polos viticultores heroicos, polo que se trata dun percorrido de constantes sube e baixa, con desniveis pronunciados, polo que son recomendables os bastóns e un bo calzado. Desfrutaremos de marabillosas paisaxes, de pobos típicos, algún abandonado, así como de mosteiros e igrexas románicas. Comezaremos no Mosteiro de San Estevo de Ribas do Miño e acabaremos na incrible praia fluvial da Cova, onde poderemos tomar un café, unhas cañas, e darnos un paseo en kaiak..... Animádevos...
14.04.2019
LUGAR: Parque Nacional da Peneda-Gerês (PNPG), Lamas de Mouro, Melgaço, Portugal SAÍDA: 9H30 CHEGADA: 20H O Punto de inicio será a porta do PNPG, Lamas de Mouro, Melgaço, Portugal e o punto final oSantuario da Señora da Peneda, Arcos de Valdevez, Portugal É unha ruta lineal de dificultade media. Camiñaremos uns 13,3 kim en 6 horas. O autobús sairá as 9:30 h de Vigo para chegar sobre as 11h a Lamas de Mouro. A ruta percorre terras do PNPG entre penedos rochosos de curiosas formas, fermosas vistas panorámicas e pequenas formacións arbóreas. Comezaremos cunha forte pendente empedrada que ascende das verdes terras de Lamas de Mouro ata os paraxes graníticos da Serra da Peneda. Seguiremos os fitos ata atoparnos co sendeiro dos Romeiros e remataremos baixando un camiño empedrado ata o pobo da Peneda onde poderemos visitar o Santuario da Señora da Peneda e as súas 20 capelas ao longo dunha monumental escalinata. Tamén poderemos visitar algunha das tascas do pobo. Sobre as 18:30h colleremos o autobús para chegar a Vigo sobre as 20h. PREZO: Socio: 12€ Non Socio: 15€ Socios < 30 anos: 6€ Anímate!!!
24.03.2019
DATA: 24 de marzo LUGAR: Cerdedo SAÍDA: 8:30H dende o club REGRESO: 20H PREZOS SOCIOS: 12€ NON SOCIOS: 15€ Enlazaremos varias rutas señalizadas do municipio de Cerdedo: ruta Frei Martín Sarmiento e Sendeiro dos muíños do río Seixo e do Rego Cadavosa. Comezamos a caminata no centro de Cerdedo, onde apreciamos o conxunto da igrexa de San Xoan. Seguindo os carteis da estrada nos diriximos á Calzada Romana. Tamén os carteis indican a ruta sendeirista Frei Martín Sarmiento. Tras cruzar a ponte de San Antón sobre o río Castro nos atopamos de fronte coa pequena capela de San Antón acompañada do seu correspondente cruceiro. Se considera que a ponte é de orixe romana incorporando reformas medievais. Seguiremos uns metros polo asfalto deixando a capela á nosa esquerda, aínda que pronto o abandonaremos para tomar un camiño empedrado que nos interna nun precioso bosque de carballos e castiñeiros. En Cabenca seguiremos o leito do río Seixo, afluente do Lérez. Anímadevos!!
24.02.2019
Data: 24 de febreiro Hora: Saída ás 08h30 e chegada ás 20h30 Distancia: +16 Km (Dificultade Media) A Ruta do Contrabando é un sendeiro deseñado e habilitado pola Asociación “Móvete por Nogueira”. Trátase dun percorrido precioso pola Ribeira Sacra de Ourense, no que poderemos gozar coas vistas tanto do Miño coma do Sil. Comezaremos en Luintra, (a ruta oficial ten o seu inicio na pequena aldea de Valdomar). Dende alí nos introduciremos xa no frondoso bosque, no que atoparemos castiñeiros centenarios e todo tipo de especies autóctonas. Ademais, pronto chegaremos á zona de “Os Muíños”, onde atoparemos varios muíños hidráulicos rescatados da maleza e dispostos ao longo dun pequeno regato. Pouco a pouco iremos descendendo cara a zona de A Casanova, a través de estreitos sendeiros, e pasando xunto a unha antiga alvariza, un antigo refuxio utilizado antigamente por contrabandistas. Dende alí, a paisaxe cambia, o bosque ábrese e entraremos nunha zona de pequenas aldeas, hortas e viñedos. A última destas aldeas será A Penalba, dende onde poderemos contemplar o Miño. Dende alí comezaremos a ascender sempre por camiños tradicionais baixo o bosque, entre muros cubertos por musgo. Ao terminar de subir chegaremos á zona de Moura, onde de novo abra o bosque para dar paso a aldeas, prados e campos de cultivo. Alí se atopa o Miradoiro de Lampa , que nos ofrece unhas vistas estupendas do Sil. Despois do miradoiro atravesamos unha zona de rochas graníticas con diversas formas. Alí está o Penedo do Trigo, os Penedos de Rufino, A Pena do Altar…e coma non, A Pena Longa. Para rematar a ruta pasaremos moi cerquiña das Cabanas de Moura, un conxunto de mámoas antes de continuar de novo polo bosque en dirección a Valdomar e terminar en Luintra PREZOS: SOCIOS: 12€ NON SOCIOS: 15€ Prégamosvos que vos inscribades a través deste enlace:
27.01.2019
DATA: 27 de Xaneiro LUGAR: Cangas - Monte do Facho HORA SAÍDA: 9:30 h dende a Estación Marítima de Vigo(Prégase estar alí ás 9h15) HORA DE CHEGADA: 19:30 h. á Estación Marítima de Vigo DURACIÓN: Colleremos o barco dende Vigo ata Cangas para percorrer o sendeiro costeiro que nos levará ata Cabo Home, dende alí subiremos ata o Monte do Facho e volveremos a Cangas pasando por Liméns. Retorno no barco das 19h pero non sen antes tomar unha cerveciña. Contamos convosco!! PREZOS: Socios: 4€ Non socios: 5€. O prezo do barco ida e volta está incluido. Inscripción ata o 23 de Xaneiro
25.11.2018
DATA: 25 de novembro LUGAR: Toen (Ourense) SAÍDA: 8H dende o club REGRESO: 20H Sairemos ás 8 da mañán, as horas de luz son poucas e hai que aproveitalas, dende o Club. O roteiro partirá das inmediacións de Trelle para continuar cara Moreiras, e rematar en Toén. Veremos sobreiras e madroños, formacións graníticas espectaculares, coñeceremos o casco antigo de Moreiras, a súa igrexa de San Pedro e outras sorpresas máis. Ruta fácil que nos levará unhas 5/5:30h. Inscríbete!!!
18.11.2018
DATA: 18 novembro LUGAR: Arcos de Valdevez (Portugal) SAÍDA: 9H dende o club REGRESO: 20H Nos aventuraremos en terras portuguesas para percorrer este bonito e fácil sendeiro á baira do río Vez. Comenzaremos en Arcos de Valdevez e remataremos en Sistelo, despois de camiñar os 20km que separan os dous puntos. No caso de que chova con intensidade aprazarase esta actividade para outra data. Inscríbete!!!
27.10.2018
DATAS: 27 e 28 de outubro LUGAR: Praia do Rostro - Fisterre SAÍDA: 8:00h. o día 27 dende o Club CHEGADA: 20:30h o día 28 ao Club 27 e 28 de outubro: CAMIÑO DOS FAROS XI e XII. PRAIA DO ROSTRO - FISTERRE (obxectivo conseguido fin de festa) Cando comezamos a aventura do Camiño dos Faros, alá polo 25 de febreiro, lonxe quedaba da nosa mente o Faro de Fisterra. Agora, cando quedan 15,8 km, sorrimos co cheira da meta. Atrás quedan pateos variados e espectaculares, visitas cando menos curiosas (históricas, arquitectónicas, etnográficas,…), experiencias que quedarán na nosa memoria, lugares como o campin de Leis, sorpresa que aínda comentamos, compañeiros/as que non coñeciamos,….. Que nos queda? Máis do mesmo. Praias e acantilados, camiños e balados, … sen que falten un par de repechos para arriba e para abaixo, non moi grandes esta vez. Cruzaremos a longa praia do Rostro, pasaremos por Castromiñán, ao lado onde asustou o Casón, veremos a praia de Arnela, preciosa pero perigosa para o baño, veremos a praia do Mar de Fóra, subiremos ao monte do Facho e veremos o Facho, ao que chegaremos paseniñamente, pero cun sorriso quilométrico. Celebrarémolo como se merece. O domingo faremos algunha visita en liña coas realizadas. Prezos Autobús: Socios 15€ (Inscrición ata o día 15 de outubro 13€) Non socios: 18€ (Inscrición ata o día 15 de outubro 16€) Prezos de Aloxamento: Información proximamente
1 2 3 4 5 6 7 8 9



Camelias 78, Oficina K 36211     VIGO - Pontevedra
T: 986 438 505 F: 986 912 220 info@celtas.net